Сағадат Нұрмағамбетов атындағы Құрлық әскерлері Әскери институтының оқу орталығында батальон және артиллериялық дивизион командирлеріне арналған «Тактик-3» кәсіптік біліктілікті арттыру курсы өтуде. Бұл курс әскери бөлімшелердің жауынгерлік міндеттемелеріне сәйкес тиімді қолданылуын ұйымдастыру және қазіргі заманғы соғыс жағдайында олардың жауынгерлік мүмкіндіктерін оңтайлы пайдалануды қамтамасыз ету үшін қажетті жаңа білім мен дағдыларды алуға бағытталған.

Курс барысында қатысушылар жауынгерлік даярлықпен байланысты әртүрлі пәндерді оқиды. Сабақтарды өткізу үшін институттың командалық және оқытушылық құрамынан практикалық қызмет тәжірибесі бар жоғары білікті мамандар тартылады.

25744 әскери бөлімінің шабуылдау батальонының штаб бастығы капитан Жәнібек Азанбай өз әсерлерімен бөлісті: 

«Мен «Тактик-3» кәсіптік біліктілікті арттыру курсынан өтуіме қуаныштымын. Мұнда мен жаңа білім алдым, олар менің әскери бөлімшелерімді тиімді басқаруыма көмектесетіні сөзсіз. Практикалық сабақтар мен әріптестермен тәжірибе алмасуды ерекше бағалаймын. Барлық оқытушыларға олардың шыдамдылығы мен кәсібилігі үшін шын жүректен алғысымды білдіргім келеді. Олардың тәжірибесі мен білімдері біз үшін нағыз шабыт пен сенім көзі болды».

Оқу аяқталғаннан кейін офицерлер курс бойынша негізгі пәндерден кешенді емтихан тапсырады. Бағдарламаны сәтті меңгеру командирлерге функционалдық міндеттерін атқаруда кәсіби даярлығын арттыруға мүмкіндік береді.